سياسة الخصوصية

1. السياسة دي بتغطي إيه

بتغطي البيانات اللي بنجمعها على موقع team.mesue.tech (زي فورم طلب التجربة)، والبيانات اللي بنعالجها لما نشغّل فريق مسيو لنشاطك.

2. صفتنا القانونية

الجهة المسؤولة عن البيانات هي مؤسسة وادي الملوك (منشأة فردية)، اللي بتشغّل فريق مسيو ومسيو تك. وكلمة «إحنا» في السياسة دي معناها الجهة دي.

• لما تملا فورم أو تكلمنا: إحنا «المتحكم» في بيانات التواصل بتاعتك.
• لما فريق مسيو يرد على عملاءك: نشاطك هو «المتحكم» في بيانات عملائه، وإحنا «معالج» بنشتغل بتعليماتك، حسب اتفاقية معالجة البيانات اللي بينّا.

3. بنجمع إيه وليه

• فورم طلب التجربة: الاسم، ورقم الموبايل، ورابط موقعك، ونوع النشاط، والباقة، ورسالتك لو كتبت. الغرض: نكلمك على واتساب ونجهّز تجربة على موقعك.
• بيانات تقنية: بصمة مشفّرة من عنوان الـIP (مش العنوان نفسه) ونوع المتصفح، علشان نمنع الإساءة والطلبات الآلية.
• أثناء تشغيل الخدمة: محتوى موقعك المنشور للعامة، والمعلومات اللي بتوافق عليها، ومحادثات عملاءك مع الفريق.

مش بنطلب بيانات بطاقات بنكية في الفورم. ومش بنبيع بياناتك، ولا بنستخدمها في إعلانات.

4. مين بيشوف البيانات

• فريق مسيو تك المسؤول عن طلبك بس.
• مزودين تقنيين بنحتاجهم لتشغيل الخدمة، منهم: مزود نماذج الذكاء الاصطناعي (Google Gemini)، وواتساب من ميتا، وCloudflare، ومزود الاستضافة. بعضهم خوادمه برا مصر. [للمحامي: شروط نقل البيانات لبرا مصر والترخيص المطلوب]

5. بنحتفظ بيها قد إيه

• طلبات التجربة اللي ما كمّلتش: بنمسحها خلال 12 شهر من آخر تواصل. [للمحامي: تأكيد المدة]
• بيانات حسابك وعملاءك: طول مدة الاشتراك، وبتتمسح خلال 30 يوم من طلبك أو من نهاية الاشتراك، ما عدا اللي القانون بيلزمنا نحتفظ بيه (زي الفواتير).

6. حقوقك

من حقك تعرف إيه البيانات اللي عندنا، وتصحّحها، وتطلب مسحها، وتسحب موافقتك، وتعترض على المعالجة في الحالات اللي القانون بيحددها. ابعتلنا على info@mesue.tech من نفس الرقم أو الإيميل اللي استخدمته.

7. الأمان

البيانات بتتنقل مشفّرة (HTTPS)، وطلبات التجربة بتتحفظ في مكان على السيرفر مش متاح من الويب، وبيانات كل عميل في الخدمة مربوطة بحسابه ومش بتتستخدم لعميل تاني. ولو حصل اختراق يأثر على بياناتك، هنبلّغك ونبلّغ الجهات المختصة في المدد اللي القانون بيحددها.

8. التعديلات

لو غيّرنا السياسة دي، هننشر النسخة الجديدة هنا بتاريخها، ولو التغيير كبير هنبلّغ المشتركين قبلها.