شروط الاستخدام

1. الخدمة

الشروط دي اتفاق بينك وبين مؤسسة وادي الملوك (منشأة فردية)، اللي بتقدّم خدمة فريق مسيو تحت العلامة التجارية مسيو تك.

فريق مسيو خدمة اشتراك فيها موظفين ذكاء اصطناعي بيردّوا على عملاء نشاطك من المعلومات اللي إنت بتوافق عليها، وبيرجعولك في القرارات اللي محتاجة موافقتك. الميزات المكتوب جنبها «قريبًا» على الموقع مش جزء من الخدمة لحد ما تبقى متاحة.

2. التجربة

• 7 أيام، من غير بطاقة، وبتبدأ من يوم ما نوافق على طلبك والفريق يشتغل فعلًا.
• فيها لحد 150 محادثة. بعدها الفريق بيحوّل المحادثات ليك لحد ما تشترك.
• تجربة واحدة لكل نشاط. ومن حقنا نرفض طلب تجربة أو نوقفها لو فيه إساءة استخدام.

3. الاشتراك والدفع

• الباقات: بداية 1,190 ج.م، ونمو 2,990 ج.م، واحترافي 6,990 ج.م في الشهر. والسنوي بسعر 10 شهور.
• المحادثة الزيادة عن المشمول: 1.5 / 1.25 / 1 ج.م حسب الباقة.
• رسوم ميتا لواتساب بتتدفع من حسابك لميتا مباشرة، ومش جزء من سعرنا.
• البطاقة بتفتح الحاجات الحساسة: الإرسال لعملاء حقيقيين على واتساب، وتسجيل الطلبات، وتعديل الموقع.
• [للمحامي/المحاسب: ضريبة القيمة المضافة وإصدار الفواتير]

4. الإلغاء

تقدر تلغي في أي وقت من غير عقد. الاشتراك بيكمّل لآخر الفترة المدفوعة، ومفيش استرداد عن الفترة الجارية غير في الحالات اللي القانون بيلزم بيها. [للمحامي: سياسة الاسترداد وحقوق المستهلك لو العميل فرد]

5. معلوماتك ومسؤوليتها

• إنت المسؤول عن صحة المعلومات اللي بتوافق عليها (الأسعار، والسياسات، والمواعيد). الفريق بيرد منها.
• الفريق ممكن يغلط زي أي موظف جديد. علشان كده أي قرار فيه فلوس أو التزام بيستنى موافقتك، وكل رد متسجّل.
• الفريق ما بيدّيش نصايح طبية أو قانونية أو مالية، ومش مسموح تستخدمه في كده.

6. الاستخدام المقبول

ممنوع استخدام الخدمة في رسايل مزعجة لناس ما وافقوش، أو في منتجات أو خدمات مخالفة للقانون أو لسياسات ميتا وتيك توك، أو لقراءة مواقع مش بتاعتك علشان تشغّل عليها الفريق.

7. بياناتك

بياناتك ملكك. تقدر تصدّرها في أي وقت، وتطلب مسحها فتتمسح خلال 30 يوم. التفاصيل في سياسة الخصوصية واتفاقية معالجة البيانات.

8. حدود المسؤولية

[للمحامي: صياغة حد المسؤولية والقانون الحاكم ومحكمة الاختصاص]